പ്രാര്ത്ഥനക്കുത്തരം തേടിയോരെന് വഴിയില്-
ദൈവങ്ങളെ വില്ക്കാനിറങ്ങിയ-
സഞ്ചിയൊന്നഴിഞ്ഞു വീണു,
ദൈവങ്ങളെ വില്ക്കാനിറങ്ങിയ-
സഞ്ചിയൊന്നഴിഞ്ഞു വീണു,
വര്ണ്ണാഭമായ ചിത്രങ്ങളില് പ്രതിഫലിച്ച വിരൂപമെന്-
ഛായയുള്ളതേതു ദൈവത്തിനെന്നു തിരഞ്ഞു!
അന്നം മുടങ്ങിയ വയറുകള് -
കടത്തിണ്ണയില് അന്തിയുറങ്ങുമ്പോള്,
കോടികള് കരയുമൊരു മണിമാളികയെ-
മോടിപിടിപ്പിച്ച് തൂങ്ങിയാടുന്നു,
ഒട്ടനേകം ദൈവങ്ങള്!
താലി അറുത്ത് ഞാനിന്നെന്-
മകള്ക്കായൊരു ജീവിതം കൊതിച്ചോരിറ്റു-
പൊന്നിനായ് ഉരികിയപ്പോള്-
സര്വാഭരണ വിഭൂഷിതരായ,
ദൈവങ്ങളിലവളെ കണ്ടില്ല!
നിറഞ്ഞു തുടങ്ങിയ ഭണ്ടാരപെട്ടിയില്-
ഞാനിട്ട നാണയങ്ങള് കിലുങ്ങി വീഴുമ്പോള്-
ഭിക്ഷതേടി കൈകള് എന്നിലേക്ക് നീളുന്നു-
അലക്കിതേച്ച വസ്ത്രമില്ലാതെ, ആഡംഭരങ്ങളില്ലാതെ,
പണത്തിനുമുകളില് കുടിയിരുത്താത്ത ചില ദൈവങ്ങളിതാ-
ഇങ്ങനെയും അലയുന്നു.
6 comments:
ദൈവമെവിടെ.......!!
ദൈവം പലപ്പോഴും ക്രുരനാണെന്ന് വിളിച്ചോതുന്ന കവിത , നന്നായിരിക്കുന്നു ഡെയിസി...
നമ്മള് കാണുന്ന ഓരോ മനുഷനിലും ദൈവത്തെ കാണാന് കഴിഞ്ഞെങ്കില് ഈ ലോകം എത്ര സുന്ദരമായേനെ......! പക്ഷെ ദൈവത്തിന്റെ സൃഷ്ടിയായ നമ്മില് ഉള്ള ആ ശക്തിയെ കാണാതെ പോവുന്നതാണ് പരാജയവും അല്ലെ!ajithG :)
Thanks Joy Abraham
ദൈവം എല്ലായിടത്തും നിറഞ്ഞു നില്ക്കുന്നു, എങ്കിലോ ഒരിടത്തും കാണുന്നുമില്ലല്ലോ
Eswaran ore oru sthalathu maathre ullu...
"Nammude pravarthikal"
Athu nallathanel eswaran koodekkaanum mosamaanel...
Ini njan onnum parayenda karyallalle...
Post a Comment