RSS
Container Icon

അഴിയിട്ട ആകാശം




പ്രത്യാശ ഹരിതം നിന്‍ മിനുത്ത ദേഹം.
ചോദ്യചിഹ്നം പോലെ- 
തന്നിലേക്കിറങ്ങും ചെഞ്ചുണ്ടുകള്‍.,
ഇത്തിരി വട്ടത്തില്‍ കടുകുമണി കണ്ണുകള്!‍
അഴികള്‍ക്കിടയിലൂടെ നീളും 
കൃഷ്ണവര്‍ണ്ണമാര്‍ന്ന കഴുത്ത്.
നീയൊരഭൗമ സൌന്ദര്യം !

ആത്മവിശ്വാസമരിഞ്ഞെടുത്ത നിന്‍ ചിറകുകള്‍,
ഓരോ വിഫലശ്രമത്തിന്റെയും പാഴ്ച്ചിറകടികള്‍.
നിന്നെ കുരുക്കിയ വലയും,
നീ വാഴും കൂടും,
നീ വലിച്ചിട്ട ചീട്ടും,
നിന്റെ സ്വാതന്ത്ര്യം വിറ്റ നാണയവും,
എന്നെ പൊള്ളിക്കുന്നു !

മൂഡനാം മനുഷ്യന്റെ-
ഭാവി വിഹ്വലതകളെ
നീ നിയന്ത്രിക്കുന്നു!!
അവന്റെ സങ്കുചിത വിശ്വാസങ്ങള്‍-
നിന്നില്‍ നിക്ഷിപ്തം !

നിന്റെ മുന്നില്‍ നിരത്തിയ ചീട്ടുകളില്,‍
നീ കാണുന്നതെന്ത്?
ആശയറ്റ നിന്റെ ഭാവിയോ?
അതോ ആശ്വാസം തേടിയെത്തിയേതോ ഒരു,
പഥികന്റെ തപ്ത വിലാപങ്ങളോ?
ആത്മാവില്‍ അഞ്ജത നിഴലിട്ടോര്‍ക്കായ്,
നീ വീണ്ടും ജീവിക്ക
നീ വീണ്ടും ജീവിക്ക!!

  • Digg
  • Del.icio.us
  • StumbleUpon
  • Reddit
  • RSS

2 comments:

സൗഗന്ധികം said...

ആത്മവിശ്വാസമരിഞ്ഞെടുത്ത നിന്‍ ചിറകുകള്‍,
ഓരോ വിഫലശ്രമത്തിന്റെയും പാഴ്ച്ചിറകടികള്‍.
നിന്നെ കുരുക്കിയ വലയും,
നീ വാഴും കൂടും,
നീ വലിച്ചിട്ട ചീട്ടും,
നിന്റെ സ്വാതന്ത്ര്യം വിറ്റ നാണയവും,


നല്ല വരികൾ.നന്നായി എഴുതി.


ശുഭാശംസകൾ.......

ajith said...

ചീട്ടുകളില്‍ കാണുന്നതെന്ത്...??

Post a Comment

Related Posts Plugin for WordPress, Blogger...