സ്വപ്നത്തിലെന്നപോൽ
ഒടുക്കം കണ്ടെത്തിയതാണ് നിന്നെ.
പാഴ്വള്ളികൾ ചുറ്റിവരിഞ്ഞ്
പടര്ന്നൊരീ പൊറ്റയിൽ
കുപ്പിവള ചീളുകള്ക്കിടയിൽ
എന്നെ നീ പ്രതീക്ഷിച്ചിരുന്നുവോ???
അറിഞ്ഞിരുന്നില്ല
നിന്റെ കാത്തിരിപ്പിന്റെ
എണ്ണമറ്റ ദിനരാത്രങ്ങള്
അതാവാം ഒരു നോക്കിൽ,
ഞാനൊന്നു തൊട്ട മാത്രയിൽ
കനത്ത മേഘം കിലുങ്ങി
പരിഭവനാളമേറ്റുലഞ്ഞടര്ന്നു
വീണിതിതളുകൾ
എന്നെ അമ്പരിപ്പിച്ചത്!!!
തെളിഞ്ഞ സിരകളിൽ
നിന്റെ നിശ്വാസതാളം,
എന്റെ ചുണ്ടുകളുടെ ദാഹമറിയവേ
ഒരു തുമ്പി പോൽ പാറുന്നു പിന്നെയും
ആ നിമിഷത്തിന്റെ പതർച്ചയിൽ
വസന്തമായ് നീ തഴുകിയോ
ഞാനുണർന്നു നിത്യസുഗന്ധിയായത്???
5 comments:
അഴകുണരും നേരം
കൊള്ളാം നന്നായിട്ടുണ്ട്
നല്ല കവിത..!
നന്നായിരിക്കുന്നു.ആശംസകൾ
വസന്തത്തിൻ മണിച്ചെപ്പു തുറക്കട്ടെ.
നല്ല കവിത.
സന്തോഷവും,സമാധാനവും നിറഞ്ഞ ക്രിസ്തുമസ്സും,പുതുവത്സരവും നേരുന്നു.
ശുഭാശംസകൾ....
Post a Comment