വിരൽതുമ്പുകൾ കണ്ടെടുത്ത
പ്രണയത്തിൻ
കൂട്ടുകാരീ,
എന്നോട് മത്സരിക്കാൻ
മാത്രമായ്
എന്റെ പേര് പോലുമിനിയും
നിനക്ക് മുന്നിൽ
വെളിപ്പെടുത്തിയില്ലല്ലോ !!
ചമഞ്ഞു നിന്നപ്പോഴെല്ലാം
വരികൾക്കിടയിൽ
വിടര്ന്നു നിന്ന നിന്റെ
കണ്ണുകളോടല്ലേ ഞാന്
മിണ്ടിയത് !!
ഒന്ന് തൊട്ടു നിന്നെ
അലോസരപ്പെടുത്താൻ പോലും
തുനിഞ്ഞില്ലല്ലോ പെണ്ണെ !
മുഖപുസ്തക താളുകളില്
മറഞ്ഞിരുന്ന
നീ മൂകയായൊരു
പ്രണയിനിയെ മാത്രമാണ്
കാണിച്ചു തന്നത് !!
അന്ന്
ഒരു മുഖം മൂടിയുടെ മറവില്
ഒളിച്ചിരുന്ന നീ
എനിക്കപരിചിതയായിരുന്നു
ഇന്നീ പൊയ്മുഖങ്ങളെ
താങ്ങുന്ന നിന്റെ കൈകൾ
അത്,
നീ തന്നെയെന്ന്
വീണ്ടും വീണ്ടും
ഓര്മ്മിപ്പിക്കുന്നതെന്ത് !!