RSS
Container Icon

മാറ്റമില്ലാതെ.....



എന്റെ വികാരങ്ങള്‍ 
ഈ സാഗരനീലിമയിലൂടെ 
നടത്തുന്നു സ്വപ്നാടനം 
കടലുകള്‍ക്കുമപ്പുറം അത് 
അവസാനിക്കുന്നത് ഒരു കാണാക്കരയില്‍...

കുരുങ്ങിപ്പോയ വാക്കുകള്‍ കൊണ്ട്
തുന്നിച്ചേര്‍ക്കപ്പെട്ട എന്റെ അധരങ്ങള്‍
തിരത്താളുകളില്‍ എഴുതുന്നു മണല്‍ച്ചിത്രം
മൊഴികള്‍ വഴി തേടി എത്തുന്നത്
എന്റെ നിതാന്തമൗനപര്‍വ്വത്തില്‍...

ഓരോ പുതിയ രാത്രിയും
എനിക്കായ് കരുതി വച്ച കാഴ്ചകള്‍
ഞാനെന്നോ കണ്ട പകല്‍ക്കിനാവ്
ആര്‍ദ്രമോരോ മോഹത്തെയും മൂടുന്നത്
ആവര്‍ത്തനങ്ങളുടെ തിരശ്ശീല..

തിരയുപേക്ഷിച്ച കാല്‍പ്പാടുകള്‍ കവര്‍ന്ന
നനവ്‌ തേടിയ മണല്‍ത്തരികള്‍
ഒഴിഞ്ഞ കൂട്ടിലെ പ്രതീക്ഷയുടെ തൂവല്‍
മഞ്ഞിന്‍റെ കമ്പിളിപ്പുതപ്പില്‍
മായുന്ന വിഹ്വലതകള്‍...

ഒരു രാത്രിക്കാഴ്ച്ച..

  • Digg
  • Del.icio.us
  • StumbleUpon
  • Reddit
  • RSS

10 comments:

ഉദയപ്രഭന്‍ said...

ഓരോ പുതിയ രാത്രിയും
എനിക്കായ് കരുതി വച്ച കാഴ്ചകള്‍
ഞാനെന്നോ കണ്ട പകല്‍ക്കിനാവ്
ആര്‍ദ്രമോരോ മോഹത്തെയും മൂടുന്നത്
ആവര്‍ത്തനങ്ങളുടെ തിരശ്ശീല.. നല്ല വരികള്‍

vijin manjeri said...

എന്നെ കൂടുതല്‍ ആകര്‍ഷിക്കുന്നുണ്ട് ഈ ബ്ലോഗ്ഗ്
ആശംസകള്‍ .....

ajith said...

പുത്തന്‍ കാഴ്ച്ചകള്‍

കുട്ടനാടന്‍ കാറ്റ് said...

ഒഴിഞ്ഞ കൂട്ടിലെ പ്രതീക്ഷയുടെ തൂവല്‍..

പുതിയ കാഴ്ചകളുടെ ഉദയം കൊണ്ടുവരട്ടെ

Harinath said...

മഞ്ഞിന്റെ കമ്പിളിപ്പുതപ്പിൽ വിഹ്വലതകൾ മായട്ടെ
പുതിയ കാഴ്ചയുടെ പുലരികൾ പിറക്കട്ടെ

Umesh Pilicode said...

:)

സൗഗന്ധികം said...

മായുന്ന വിഹ്വലതകൾ, പ്രതീക്ഷയുടെ തൂവൽ.....

Humm...at last, Inshah Allah, the parking is safe.

Har pal yahaan ..
jee bhar jiyo..


കവിത നന്നായി. May God bless...

ശുഭാശംസകൾ.....

Sangeeth K said...

കവിത നന്നായിരിക്കുന്നു...

Unknown said...

ഒരു രാത്രിക്കാഴ്ച്ച..

ഡെയ്സി said...

അഭിപ്രായങ്ങള്‍ക്ക്
നന്ദി ...സന്തോഷം...സ്നേഹം എല്ലാവരോടും :)

Post a Comment

Related Posts Plugin for WordPress, Blogger...