പ്രകൃതിയോടു കലഹിക്കുകയാണ് ഞാനിന്നും..
നിന്റെ അലസഗമനങ്ങളെ അനുധാവനം ചെയ്യുന്ന
നിന്നെ ചുംബിക്കുന്ന കാറ്റിനോട്,
നിന്നെ പുണരുന്ന പുലര്കാല രശ്മികളോട്,
നിന്നെ പുതയ്ക്കുന്ന നിലാവിനോട്,
നിന്നെ കൊതിപ്പിക്കുന്ന വര്ണ്ണശലഭങ്ങളോട്,
കിന്നാരം പറയുന്ന കിളികളോട്,
നീള്മിഴികളില് വിടരുന്ന
പ്രണയത്തോടെ നിന്നെ നോക്കുന്ന ഈ ആകാശത്തോട്,
എല്ലാറ്റിനോടും എനിക്ക് അസൂയയാണ്..
എന്റെ അനുവാദമില്ലാതെ നിന്നെ നനയ്ക്കുന്ന വര്ഷവും
എന്റെ സാമീപ്യമില്ലാതെ നിന്റെ കവിളിലരുണിമ പടര്ത്തുന്ന വസന്തവും
ഇനി,
എന്നും എന്റെ ശത്രുക്കള് ആണ്..
എന്റെ ഹൃദയവിചാരങ്ങള് നിരാസത്തിന്റെ കൂടാരത്തില് ചിരി പടര്ത്തുന്ന
ഒരു കോമാളി അമ്മാനമാടുന്ന ചെറുവളയങ്ങള് മാത്രമാകുന്നുണ്ട് പലപ്പോഴും..
ഉയരങ്ങളില് ഊയലാടുന്ന നിന്നെ
ഭീതിയോടെ നോക്കുന്ന ദുര്ബ്ബലമായ വലക്കണ്ണികള് പോലെയാണ് എന്റെ മനസ്സ്..
നിന്റെ വീഴ്ച, അത് ഒന്നും ബാക്കി വയ്ക്കുകയില്ല..
കാഴ്ചക്കാരുടെ മുന്നിലെ പരവതാനി ചുവക്കാതിരിക്കട്ടെ...
അഭ്യാസികള് അല്ലാത്തവര്ക്ക് സ്ഥാനമില്ലാത്ത ഈ കൂടാരത്തിന് പുറത്ത്
മൈതാനത്തിന്റെ, ആ ഇരുണ്ട കോണില്
കുഴി മൂടിയ നനഞ്ഞ മണ്ണില്
ഇളം മഞ്ഞ പൂവുകള് വിടരും വരെയും
ഞാന് കലഹിക്കുക തന്നെയായിരിക്കും....
നിന്റെ അലസഗമനങ്ങളെ അനുധാവനം ചെയ്യുന്ന
നിന്നെ ചുംബിക്കുന്ന കാറ്റിനോട്,
നിന്നെ പുണരുന്ന പുലര്കാല രശ്മികളോട്,
നിന്നെ പുതയ്ക്കുന്ന നിലാവിനോട്,
നിന്നെ കൊതിപ്പിക്കുന്ന വര്ണ്ണശലഭങ്ങളോട്,
കിന്നാരം പറയുന്ന കിളികളോട്,
നീള്മിഴികളില് വിടരുന്ന
പ്രണയത്തോടെ നിന്നെ നോക്കുന്ന ഈ ആകാശത്തോട്,
എല്ലാറ്റിനോടും എനിക്ക് അസൂയയാണ്..
എന്റെ അനുവാദമില്ലാതെ നിന്നെ നനയ്ക്കുന്ന വര്ഷവും
എന്റെ സാമീപ്യമില്ലാതെ നിന്റെ കവിളിലരുണിമ പടര്ത്തുന്ന വസന്തവും
ഇനി,
എന്നും എന്റെ ശത്രുക്കള് ആണ്..
എന്റെ ഹൃദയവിചാരങ്ങള് നിരാസത്തിന്റെ കൂടാരത്തില് ചിരി പടര്ത്തുന്ന
ഒരു കോമാളി അമ്മാനമാടുന്ന ചെറുവളയങ്ങള് മാത്രമാകുന്നുണ്ട് പലപ്പോഴും..
ഉയരങ്ങളില് ഊയലാടുന്ന നിന്നെ
ഭീതിയോടെ നോക്കുന്ന ദുര്ബ്ബലമായ വലക്കണ്ണികള് പോലെയാണ് എന്റെ മനസ്സ്..
നിന്റെ വീഴ്ച, അത് ഒന്നും ബാക്കി വയ്ക്കുകയില്ല..
കാഴ്ചക്കാരുടെ മുന്നിലെ പരവതാനി ചുവക്കാതിരിക്കട്ടെ...
അഭ്യാസികള് അല്ലാത്തവര്ക്ക് സ്ഥാനമില്ലാത്ത ഈ കൂടാരത്തിന് പുറത്ത്
മൈതാനത്തിന്റെ, ആ ഇരുണ്ട കോണില്
കുഴി മൂടിയ നനഞ്ഞ മണ്ണില്
ഇളം മഞ്ഞ പൂവുകള് വിടരും വരെയും
ഞാന് കലഹിക്കുക തന്നെയായിരിക്കും....