ഡെയ്സി

തണുത്ത പകലില്‍ ഉറങ്ങുമെന്നെ
നീയാണ് തൊട്ടുണര്‍ത്തിയത്
അക്ഷരങ്ങളാല്‍ ശിലകള്‍ തീര്‍ത്ത
നിന്റെ വിരലുകള്‍ പറയുന്നതെന്താണ് ?
അര്‍ത്ഥമുള്ള പൂവാണ് നീ?
ബഹുവര്‍ണ്ണങ്ങളില്‍ പല പേരുകളില്‍
അവന്‍ തെളിയിച്ച ജീവനാളം!
പ്രകൃതിയുടെ മോഹവീഥിയിലെ വസന്തം
നിന്റെ പ്രതീക്ഷയുടെ സ്വരമാണ്.
വാടുന്നതിനു മുന്‍പേതോ ദാസിതന്‍ മുടിചൂടി
മോഹിത ഗന്ധര്‍വനെ ഉറ്റുനോക്കവെ
വാക്കുകളിടറി അവന്‍ തീര്‍ത്ത മൌനം-
നിന്റെ അലങ്കാരം!

നീ
രാപകലുകളിലെന്നും
സ്നേഹത്തിന്റെ നിറമുള്ളവള്‍
ഒരു മൃദു സ്പര്‍ശത്തില്‍ ‍ അടര്‍ന്നു,
വീഴുമുദ്വേഗത്തിന്നിതളുകള്‍ !
ഹൃദയം തേടും പ്രണയത്തിന്‍
നഗ്നമാം ബാക്കിപത്രം !