ഡെയ്സി

മരണം,

അത് സുഖമുള്ള ഓര്മ മാത്രമായിരിക്കാം,

നഷ്ടങ്ങളില്ലാതെ എല്ലാം നേടിയൊരു യാത്ര.

ബന്ധങ്ങള്‍!
ജീവിത-പുസ്തകത്തില്‍-
മുന്‍കൂട്ടി എഴുതിചേര്‍ത്തവ.
നീ അറിഞ്ഞും അറിയാതെയുംവന്നു ചേരുന്നു.
രക്തത്താല്‍ കൂട്ടിച്ചേര്‍ത്തവ-
മനസ്സ് കൊണ്ട് കൂടെ കൂട്ടിയവര്‍-
സാഹചര്യങ്ങള്‍ സമ്മാനിച്ച് പോയവര്‍-
അങ്ങിനെ ഒട്ടേറെ ബന്ധങ്ങള്‍.
ചിലത്, ബന്ധനങ്ങളായി മാറുന്നു.
നാവിനാല്‍ അറ്റുപോകുന്നവരും
ഒരു നോക്കില്‍ ഓര്‍മയില്‍ നിറയുന്നവരും
രക്ത-ബന്ധത്തിന് അര്‍ഥം ചികയുന്നവരും ഇവരില്‍ ചിലര്‍.
ഓരോ യാത്രയും ഓരോ ജീവിതകഥകള്‍ പറയും
ഇനിയും ഈവിധം കാണാനിടവരല്ലേയെന്ന്-
വിലപിക്കാനിടയാക്കുന്ന മനുഷ്യര്‍!
പിരിയും നേരം മനസ്സിനെ വിഴുങ്ങി-വീണ്ടും,
കണ്ടെങ്കില്‍ എന്ന് കേണ്‌പോകുന്നവര്‍...
സ്വപ്നം കാണാന്‍ അനുവാദത്തിനായ്‌ കൈനീട്ടുന്നവര്‍!
നീട്ടികിട്ടിയ ആയുസ്സില്‍ ജീവിതത്തെ സ്നേഹിക്കാന്‍ ഉപദേശിച്ചു-
പോവുന്ന യാതനയുടെ മുഖങ്ങള്‍....
അങ്ങിനെ എത്രയെത്ര അനുഭവങ്ങള്‍ !
ഇന്ന് , നീ എന്നിലുണ്ട്-
നാളെ, അത് വെറും സങ്കല്പമല്ലേ!
ഈ രാവില്‍ മാഞ്ഞുപോവാതെ പുലരി എന്നെ തഴുകുമെങ്കില്‍ ,
ഒരു ഉണര്‍ത്തു പാട്ടിന്റെ താളമായ് നീ എന്നിലുണ്ട്!
കൈമോശംവരാതെ കാത്തു സൂക്ഷിക്കാന്‍ ശ്രമിക്കാം!

രണ്ടു മീനുകള്‍ക്കിടയില്‍ ഉറങ്ങുന്ന-

രാശിയിലെ സ്വപ്നകന്യകയാണ് ഞാന്‍. ‍

ഏകാന്തതയില്‍ മെനയുന്ന സുന്ദരസങ്കല്പങ്ങളില്-

ഒരിക്കല്‍, എന്റെ കൈവെള്ളയില്‍ ‍ നീ വച്ച് തന്നൊരു 

മഞ്ചാടിക്കുരു-

അനേകം കുന്നുമണികള്‍ക്കിടയില്‍ ഒളിപ്പിച്ചു വച്ച-

ഈയൊരു തുള്ളി മതിയെന്റെ ദാഹം തീര്‍ക്കാന്‍, 

അന്യമാവുന്ന മഴക്കും കടുക്കുന്ന ചൂടിനും 

എനിക്കായി കരുതാന്‍ നീ കൂടെയില്ലെങ്കില്‍-

നാണിച്ചു മുഖം താഴ്ത്തി നിന്ന-

അവളുടെ നിഴല്‍ തീര്‍ത്ത ലോകത്ത് -

സ്വപ്നം കാണുമൊരു പെണ്ണ്.