അന്നാദ്യാനുരാഗം തന് പ്രാണരക്തത്താല്
അധികാരമറിയിച്ചപ്പോള്
ഹൃദയധമനികള് പിടഞ്ഞത്
ഞാനിന്നുമോര്ക്കുന്നു..
ഒരു സ്പര്ശത്തില് സ്നിഗ്ദ്ധമായ്
എന്നുള്ളം പോലും ഉണര്ന്ന്
ഒരുക്കിയോരായിരത്തിരികള്..
ആ നിമിഷങ്ങളിലാണ്
നീ സൃഷ്ടികളിലേറ്റം സുന്ദരമായത്
ഞാനും ഞാനും തമ്മില്
നടക്കാറുള്ള സംവാദങ്ങളില്
നീയും നീയും പങ്കു ചേരവേ
ജയിക്കുന്നതെപ്പോഴും നമ്മള്..
ആത്മവഞ്ചനയുടെ ഒരംശവുമില്ലാതെ
നമുക്ക് സ്നേഹിക്കാന് കഴിയട്ടെ;
നിന്റെ ചുണ്ടുകള് ചോപ്പിച്ച
എന്റെ നെറുകയിലെ സിന്ദൂരത്തിനു
സായന്തനസൂര്യനെക്കാള് ഭംഗിയുണ്ട്
ഞാന് കാണുന്നു നീ മുങ്ങിപ്പോകുന്നത്...
എന്റെ കണ്ണുകളുടെ കടലാഴങ്ങളിലേക്ക്..
