എന്റെ വികാരങ്ങള്
ഈ സാഗരനീലിമയിലൂടെ
നടത്തുന്നു സ്വപ്നാടനം
കടലുകള്ക്കുമപ്പുറം അത്
അവസാനിക്കുന്നത് ഒരു കാണാക്കരയില്...
കുരുങ്ങിപ്പോയ വാക്കുകള് കൊണ്ട്
തുന്നിച്ചേര്ക്കപ്പെട്ട എന്റെ അധരങ്ങള്
തിരത്താളുകളില് എഴുതുന്നു മണല്ച്ചിത്രം
മൊഴികള് വഴി തേടി എത്തുന്നത്
എന്റെ നിതാന്തമൗനപര്വ്വത്തില്...
ഓരോ പുതിയ രാത്രിയും
എനിക്കായ് കരുതി വച്ച കാഴ്ചകള്
ഞാനെന്നോ കണ്ട പകല്ക്കിനാവ്
ആര്ദ്രമോരോ മോഹത്തെയും മൂടുന്നത്
ആവര്ത്തനങ്ങളുടെ തിരശ്ശീല..
തിരയുപേക്ഷിച്ച കാല്പ്പാടുകള് കവര്ന്ന
നനവ് തേടിയ മണല്ത്തരികള്
ഒഴിഞ്ഞ കൂട്ടിലെ പ്രതീക്ഷയുടെ തൂവല്
മഞ്ഞിന്റെ കമ്പിളിപ്പുതപ്പില്
മായുന്ന വിഹ്വലതകള്...
ഒരു രാത്രിക്കാഴ്ച്ച..