ഇരയുടെ വേഷം മടുത്തപ്പോഴാണ്
അവള് കളം മാറിച്ചവിട്ടിയത്!
രക്ഷക ഒരു മിഥ്യയായിരുന്നെന്ന്
സ്വയം തിരിച്ചറിഞ്ഞ ദിവസം.
ഇഹലോക വേദനകള്
അപരന്റെയെങ്കിലും
ഇമകള് നീറുവതെ
നിന് വരമെന്നറിയുക..
കാത്തിരുന്ന, കളഞ്ഞുപോയ
ദിനങ്ങളെയോര്ത്ത് കരയേണ്ട
കാലമേറെയുണ്ടാം
കരുത്തോടെ ഗമിക്ക നീ....
ഒരിക്കലുമണയാത്ത
അമാനുഷികതയെ കാക്കാതെ
മാനുഷികമാവുക തന്നെയാണഭികാമ്യം
ചിറകോ
ചിതയോ
നിന് ചിതമെന്ത് പെണ്ണേ?