ഭാവി ജീവിതത്തില്
ഒരു ചുവര് ചിത്രം മാത്രമായി നീ!
ഭയന്നു പോയ ഹൃദയം
അനിയന്ത്രിതമായി, മിഴികളിലൂടെ
തിളച്ചു തൂവുന്നു ഞാനറിയാതെ..
ചിരി നിറഞ്ഞ ചങ്ക് കീറി,
നിന്നെയുമെടുത്ത് മറഞ്ഞതാണ്
അന്നവസാനമായി ദൈവം!
നീയാം പാതിയില്ലാതെ
അലറിക്കരയുന്ന മറുപാതിയായി ഞാന്!
നീറുന്ന നിശബ്ദതകളില്
കവിളിലുപ്പൂറും നനവില്
തണുപ്പു തൂകുന്നിളം കാറ്റ് നീയെന്നറിയാം
വിട എന്നൊരു വാക്കിനിട തരാതെ
പിരിഞ്ഞതെന്തെന്നു നിനക്ക് മാത്രമേയറിയൂ...