ഒരിക്കൽ , ഒരു തലോടലിൽ
ഉരുകിതീരുന്ന ഭൂമിയുടെ കാതിൽ
കിന്നരിക്കുന്ന നിന്റെ
വിറങ്ങലിച്ച ചുണ്ടുകൾ
പറയാതെ പറഞ്ഞതെല്ലാം
എന്നെക്കുറിച്ചായിരുന്നു .
കരഞ്ഞുറങ്ങിയ ഇന്നലെകളിൽ
അലസമായ് പടര്ന്നൊരു
പ്രണയചിന്തയിൽ
ആയുസ്സിന്റെ പകുതിയും
അടർത്തിയെടുത്തതും നീയാണ്.
എപ്പോഴോ,
എഴുത്ത് വേരോടാൻ
മടിച്ചു നിന്ന എന്നിൽ
ഹൃദയവർഷത്താൽ ഒരു
തൂലിക മുളപ്പിച്ചതും നീയാണ്..
കാലങ്ങൾക്കിപ്പുറം
ആത്മപീഡനമുടച്ച വഴിയിൽ
എന്റെ പ്രാണനെ വീണ്ടെടുക്കുവാനോ
ഇരുണ്ടു മൂടിയ മേഘങ്ങളായ്
വരുന്നത് പിന്നെയും നീ?
9 comments:
നീ ചെയ്തതെല്ലാം....
WHO IS THIS ACCUSED..?
പ്രവചനങ്ങള് പിഴച്ചു പോകുന്ന കാലം..
എന്തു പറയാൻ?
കവിതയുണ്ട്
Accused :) :)
ഹ ഹ ഹ .....അതിഷ്ടായി...
മഴ, അല്ലാതാരാ :)
നന്ദി എല്ലാവരുടെയും വാക്കുകള്ക്ക്
പാവം മഴ പെയ്താലും കുറ്റം....പെയ്തില്ലങ്കിലും കുറ്റം
ഒരിക്കലും കുറ്റപ്പെടുത്തലല്ല....
സ്നേഹത്തോടെയുള്ള പരിഭവം മാത്രം :)
Post a Comment