RSS
Container Icon

വിരഹം ♥






കരയാത്തൊരു കണ്ണുവേണമെനിക്ക് 

നിന്നില്‍ ഉരുകാത്തൊരു കരളും

നോവാത്തൊരു മനസ്സിനൊപ്പം-

ചിരി മായാത്തൊരധരവും.

വരികള്‍ക്കിടയിലെ സ്വപ്നങ്ങളെ-

വിരിയിക്കാന്‍ ശ്രമിച്ചൊരു യാത്രയില്‍-

കാതമിന്നേറെ പിന്നിട്ടിരിക്കുന്നു. 

നിന്നില്‍ നിന്നും നടന്നുതുടങ്ങിയപ്പോഴാണ്-

അറിയാതെ, ആഗ്രഹിക്കാതെ മറവിയിലേക്ക്-

വീണുപോയ മുഖങ്ങളെയോര്‍ക്കുന്നത്.

അരലിവൃക്ഷങ്ങളില്‍ ചിതറിക്കിടക്കുന്ന-

മൊട്ടുകളെന്നപോലെ ബന്ധങ്ങളെന്നില്‍ തൂങ്ങിയാടുന്നു. 

ഒരിക്കല്‍, വിവേകമെന്റെ വിചാരങ്ങളെ കൈവരിയുമ്പോള്‍-

ഞാനുമെന്റെ മുഖം മറച്ചേക്കാം!അന്നും, 

എന്നിലെ ഓരോ കണ്ണിയെയും കൂട്ടിയിണക്കുന്ന നിന്നെ-

നഷ്ടപ്പെടാന്‍ ഭയക്കുന്നില്ലയെങ്കില്‍-

ഒരു കളിമണ്‍പാവപോല്‍ എന്നിലെയെന്നെ-

മറന്നുപോവാതിരുന്നെങ്കില്‍-

പകര്‍ന്നാടിയ വേഷത്തിന്‍ കഥയറിയാത്ത-

വിഡ്ഢികണക്കെ ഒരു തിരച്ചില്‍ നടത്തും

കാലത്തിനൊപ്പം ചിറകുമുളച്ച്- 

തൂവലുകളാലെന് കാഴ്ച്ചമറച്ച്,

നിന്നിലേക്കെത്തിയന്നുമുതലുള്ളോരന്വേഷണം!

  • Digg
  • Del.icio.us
  • StumbleUpon
  • Reddit
  • RSS

12 comments:

ആറങ്ങോട്ടുകര മുഹമ്മദ്‌ said...

ആദ്യത്തെ നാലുവരികള്‍ വളരെ മനോഹരമായി..

SREEJITH NP said...

കവിതകള്‍ നന്നാവുന്നുണ്ട്. ആശംസകള്‍.

Anu Raj said...

കരയാത്ത കണ്ണും , ഉരുകാത്ത കരളും, നോവാത്ത മനസ്സും, ചിരിമായാത്ത അധരവും തരാന് ദൈവത്തോട് പ്രാര്ത്ഥിക്കാം....എന്താ പോരേ...?

റോബിന്‍ said...

:)

ajith said...

കവിത നന്ന്
ആഗ്രഹങ്ങളും നന്ന്

ആനമറുത said...

the first four lines are awsom.. It speaks what I feel right now..

Rainy Dreamz said...

ആദ്യ വരികള്‍ അതിമനോഹരമായി...

കൊള്ളാം ആശംസകള്‍

razla sahir said...

aneshanangal thudaratte.......manoharamaya varikal...aashamsakal ....

Daisy George said...

Thank You All.

കാമുകന്‍ said...
This comment has been removed by the author.
DR KHALEEL SHAMRAS said...

SUPER POEM

Nikhil X black said...

"വിരഹം" ...വായിക്കാന്‍ സുഖമാണ്..അനുഭവിക്കാന്‍ ഏറ്റവും
വേദനാജനകവുo....

Post a Comment

Related Posts Plugin for WordPress, Blogger...