RSS
Container Icon

എന്റെ രാശി








രണ്ടു മീനുകള്‍ക്കിടയില്‍ ഉറങ്ങുന്ന-

രാശിയിലെ സ്വപ്നകന്യകയാണ് ഞാന്‍. ‍

ഏകാന്തതയില്‍ മെനയുന്ന സുന്ദരസങ്കല്പങ്ങളില്-

നീന്താന്‍ കൊതിച്ച് ചിപ്പിയില്‍ വീണുപോയൊരു മുത്ത്,

തീരമണഞ്ഞ കിനാവുകളിലൊരു സഞ്ചാരിയായ് മാറവേ, 

അനന്തതയിലേക്ക് പറന്നുയരാന്‍ കൊതിക്കുന്ന പക്ഷിയായും, 

തൂവെള്ളയിതള്കളാല് ‍ പ്രണയം വിരിയിച്ച ഡെയ്സിയായും,

ഒരു മഴയില്‍ മൊട്ടിട്ട ലില്ലിയായും,

കാടിന്റെ വന്യതയറിഞ്ഞൊരു മകളായും,

മിന്നാമിനുങ്ങിന്റെ വെട്ടത്തില്‍ പരക്കുന്ന വെളിച്ചമായും,

കാട്ടുപൂവിന്‍ സുഗന്ധംവമിച്ചു നീങ്ങുന്ന തെന്നലായും,

മഞ്ചാടിക്കുരുവും കുന്നിമണിയും നിരത്തിയ ശയ്യയില്‍-

സൂര്യന്‍ മോഹിക്കാതെ വിടര്‍ന്നൊരു മയില്‍‌പീലിയായും,

നീണ്ടമുടിയില്‍ നിലക്കാതെ തഴുകി നടക്കുന്ന-

വിരലുകളില്‍ പിറക്കുന്ന സംഗീതമായും , 

അവിടെ, നെഞ്ചോട്‌ ചാഞ്ഞുറങ്ങുന്ന അവന്റെ മാത്രം പെണ്ണായും,

പിറക്കുവാനൊരു മോഹം.....

ആ സ്വപ്നങ്ങളില്‍ ഉണരാതെ തീരട്ടെ എന്റെ സഞ്ചാരം!

  • Digg
  • Del.icio.us
  • StumbleUpon
  • Reddit
  • RSS

4 comments:

niDheEsH kRisHnaN @ ~അമൃതംഗമയ~ said...

മോഹങ്ങള്‍ ചിറക് വിരിച്ച് പറക്കട്ടെ
നന്നായി എഴുതി

വള്ളുവനാടന്‍ said...

മഞ്ചാടിക്കുരുവും കുന്നിമണിയും നിരത്തിയ ശയ്യയില്‍-
സുന്ദരം, മനോഹരം

ajith said...

ഗ്രാന്റഡ്

rameshkamyakam said...

മനം പോലെയാകട്ടെ മംഗല്യം....

Post a Comment

Related Posts Plugin for WordPress, Blogger...