RSS
Container Icon

അരികെ തൊട്ടരികെ



കറുത്ത കിനാക്കളുടെ മേഘപാളികള്‍
വകഞ്ഞുമാറ്റി ‍നിന്റെ നീലിമയില്‍ അലിയണമെനിക്ക്
നിന്റെ സ്നേഹമാണ് ഈ നിറത്തിന്.
മിഴികളടഞ്ഞ മാത്രയില്‍ ചുമ്പിച്ചു കവര്‍ന്ന മേഘത്തുണ്ടുകള്‍-
നീലയായെന്റെ സിരകളില്‍ തെളിയും.
എനിക്കപ്പോള്‍ നിന്റെ മണമായിരിക്കും.
ഒരിക്കല്‍,
കൈതൊടും ദൂരമുള്ളോരമ്പിളിയില്‍ ഞാനെന്റെ ഹൃദയം കോര്ക്കും,
ലോകത്തിന്റെ നെറുകയില്‍ എന്റെ സ്നേഹം പ്രകാശിച്ച്-
നിലം തൊട്ടു നിന്റെ പേര് വിളിക്കും,
നിലാവിലെങ്ങും തെളിയുന്ന ഞാന്‍ നിന്റെ കൈക്കുമ്പിളില്‍ തുടിക്കും.
ദിക്കറിയാത്ത കാറ്റിന്റെ ദൂതിനെ കാണാതെ എന്നില്‍ ചേര്‍ന്ന് നിന്നപ്പോഴെല്ലാം ‍
മൊഴിയാന്‍ മടിച്ച നാവില്‍,
നിന്റെ ഹൃദയം ചേര്‍ത്തൊരു വാക്ക് ഞാനിവിടെ എഴുതിച്ചേര്‍ക്കും ,
അരികെ തൊട്ടരികെ....
നിന്റെ ചിന്തകള്‍ വാനോളമുയരുമ്പോള്‍ മഞ്ഞിന്റെ മുഖമുള്ള എന്നെ കാണും,
നീയെന്നെ തിരിച്ചറിയുന്ന നിമിഷം, ഞാനൊരു നക്ഷത്രമായ്‌ മാറും.

  • Digg
  • Del.icio.us
  • StumbleUpon
  • Reddit
  • RSS

2 comments:

ajith said...

നീലനിറമുള്ള സ്നേഹം!!

asrus ഇരുമ്പുഴി said...

അലിഞ്ഞു തീരാന്‍ കൊതിക്കുന്നാല്‍ സ്നേഹ നീലിമ !
നല്ല വരികള്‍
ആശംസകളോടെ
അസ്രുസ്

Post a Comment

Related Posts Plugin for WordPress, Blogger...